သတိ ခါးပိုက်နှိုက်တတ်သည်
စိတ်မကောင်းစရာလဲဖြစ် သတင်းထူးလဲဖြစ်လို့ ကျွန်တော့်မိတ်ဆွေများကို အဖြစ်အပျက်လေးတစ်ခု ပြောပြခြင်ပါတယ်ဗျာ။ အစကတော့ အက်ဆေးလေးတစ်ပုဒ်လိုရေးမလို့ပါဘဲ နောက်တော့ တော်တော်ခံစားနေရတဲ့ သူငယ်ချင်းမိသားစုကို အားနာတာနဲ့ သတင်းအနေနဲ့ဘဲရေးလိုက်တော့မယ်။
မထူးဆန်းဘူးလို့ ပြောနိုင်သလို ထူးဆန်းတယ်လို့လဲ ပြောလို့ရပါတယ်။ ဒါပေမယ့် အခြေအနေ အချိန်အခါအရ ကျွန်တော်တို့ သတိထားရတော့မယ့် အချိန်ဖြစ်နေပြီလို့တော့ ထင်ပါတယ်။ အဖြစ်အပျက်ကတော့ မနေ့က ကျွန်တော့သူငယ်ချင်းရဲ့မိသားစု ဒီကိုအလည်လာရင်း လျှောက်လည်ရာမှာ ခါးပိုက်အနှိုက်ခံလိုက်ရပြီး မိဘနှစ်ပါးရဲ့ Passport နဲ့ ငွေတစ်ချို့ ပါသွားတာပါဘဲ။ သူတို့ အဖြစ်က ဖြစ်ချင်လို့ကို ဖြစ်တာလို့ ပြောရမလားဘဲ နောက်ကနေလဲ လိုက်ချောင်းနေပုံဘဲ။ ဘာလို့လဲဆိုတော့ သူတို့က ပင်နီဆူလာအောက်က Money Changer မှာငွေလဲ ဝင်လဲခဲ့ကြသေးတယ်တဲ့လေ။ အဲဒီကထွက်တော့ Robinson မှာဈေးဝယ်ကြတယ်။ နောက်တော့ ပင်နီဆူလာမှာ ဝယ်စရာကျန်သေးတယ်ဆိုပြီး တစ်ခေါက်ပြန်လာတာမှာ ခုလိုဖြစ်တော့တာဘဲဗျာ။
ပင်နီဆူလာမှာဖြစ်တယ်ဆိုတော့ ရုတ်တရက်စိတ်ထဲမကောင်းဖြစ်သွားပါတယ်၊ မရဲတရဲနဲ့ မေးရသေးတယ် ဘယ်လိုလူမျိုးလဲလို့ တော်သေးတယ်ပြောရမလား ထူးဆန်းတယ်ပြောရမလားဘဲ။ ကျွန်တော့သူငယ်ချင်းနဲ့ သူ့အမေနဲ့ ပင်နီဆူလာ မြေညီထပ်မှာ ဆိုင်တွေလျှောက်ကြည့်နေတုန်း တရုတ်မတစ်ယောက် သူတို့နှစ်ယောက်ကြားထဲ အတင်းဝင်တိုးသွားလို့ သံသယရှိတာနဲ့ အိတ်ထဲပြန်စစ်လိုက်တော့ ပိုက်ဆံအိပ်ပါသွားတော့တာပါဘဲ။ လောလောဆယ်လဲထားတဲ့ ငွေတွေနဲ့ passport စာအုပ်နှစ်အုပ်ပါသွားတယ်ဗျာ။ ရုတ်တရက်ဆိုတော့ ဘာလုပ်ရမှန်းလဲ မသိနဲ့ အော်တာတွေဘာတွေ မလုပ်ဖြစ်လိုက်ဘူးပေါ့ဗျာ၊ ဒီလိုနဲ့ အိမ်ပြန်ရောက် နီးရာရဲစခန်းမှာ passport ပျောက်ကြောင်းသတင်းပို့၊ ဟိုကတော့ စာအုပ်ပျောက်ကြောင်း အသိအမှတ်ပြုစာကလေး ပေးလိုက်တယ်ပေါ့ဗျာ၊ အဓိကကတော့ မြန်မာသံရုံးကို သွားပြီးဆက်သွယ်ခိုင်းတာပါဘဲ။ ဒါနဲ့သူတို့ဖုန်းဆက်ပြီးမေးကြတယ်ပေါ့ဗျာ။
စာအုပ်ပျောက်လို့ အသစ်ပြန်လုပ်ခြင်ရင် လုပ်လို့ရမယ် ဒါပေမယ့် စာအုပ်အသစ်ပြန်ရချိန်က သုံးလတောင် ကြာပါဦးမယ်တဲ့။ ဒါကလဲပုံမှန်ကြာချိန်ပါတဲ့။ ဒီကြားထဲ ဘယ်လိုနေကြမလဲ ကျွန်တော်လဲ မသိသေးဘူး။ ဒီနေ့တော့ သူတို့ သံရုံးသွားကြမယ်ဆိုတော့ နောက်မှသတင်းသိရမယ်ဗျ။ သြော နောက်ထပ်ရွေးချယ်စရာတစ်ခုရှိသေးတယ်ဆိုဘဲခင်ဗျ အကယ်၍ passport အသစ်ကို ဒီမှာမလုပ်ဘဲ ရန်ကုန်ပြန်မယ်ဆိုရင်တော့ ခရီးသွားလက်မှတ်ထုတ်ပေးမယ်ဆိုဘဲ။ သူငယ်ချင်းကလဲ ICA မှာသူ့မိဘများအတွက် long stay pass လျှောက်ထားတာဆိုတော့ နဲနဲတော့ ဗျာများနေတာပေါ့ဗျာ။ လူကြီးတွေဆိုတော့လဲ စိတ်ပူတတ်တော့ သွားလေရာ passport ယူသွားတတ်တာမဟုတ်လား၊ ကျွန်တော် အလုပ်လာရှာတုန်းကတော့ ပျောက်မှာစိုးလို့ White Card သာပိုက်ဆံအိပ်ထဲ ထည့်ထားပြီး Passport ကတော့ အိမ်မှာဘဲ သိမ်းထားခဲ့တာဘဲ။ ကြည့်ခြင်လို့ စစ်ချင်ရင်တော့ အိမ်လိုက်ကြည့်လို့ ပြောမှာဘဲ အပျောက်တော့ မခံနိုင်ပါဘူးဗျာ၊ ဟုတ်တယ်မဟုတ်လား။
ဟိုတစ်လောကလဲ ဗမာတွေငှားနေတဲ့ အိမ်တစ်အိမ်ကို သူခိုးဝင်ခိုးတာ လက်ပတော့တစ်လုံးပါသွားဆိုဘဲဗျ။ စီးပွားကျနေတာရဲ့ နောက်ဆက်တွဲတွေဖြစ်လာတယ်ထင်ပါတယ်။ သေကြောင်းကြံစည်ကြတာတွေလဲ များလာတယ်မဟုတ်လား။ ဘာဘဲပြောပြောဗျာ ကျွန်တော်တို့လို အငှားလာနေတဲ့လူတွေကတော့ ရှေ့လျှောက်သတိထားနေကြရအောင်လို့ နိုးဆော်လိုပါတယ်။ အရင်ကလို ညမိုးချုပ်မှာ ရဲရဲတင်းတင်းလျှောက်မသွားနဲ့တော့၊ ပိုက်ဆံများများ အိပ်ထဲ မထည့်နဲ့၊ အိမ်မှာလဲ တံခါးများကို လုံလုံခြုံခြုံပိတ်လို့ ပတ်ဝန်းကျင်နဲ့လဲ တည့်အောင်ပေါင်းကာ နေကြရမယ့် အချိန်မဟုတ်ပါလားခင်ဗျာ။
စာကြွင်း။ ။
သူငယ်ချင်းမိသားစုမှ တောင်းဆိုပါသဖြင့် တချို့အကြောင်းအရာများ ပြန်လည်ဖျက်ထားလိုက်ပါသည်။ သူရို့ကိစ္စများ မပြီးသေးပါ၍ အခက်အခဲရှိမည်စိုးပါသည်။
မောင်ဒီဘီ