Tag: mobile edition
Blog on mobile Edition
စာမရေးတာလဲ ကြာသွားတော့ ရေးရမှာလဲ လက်မသွက်တာနဲ့ ကြာသွားလိုက်တာဟာ အခုတော့ပြန်ပြီး သွေးပူလေ့ကျင့်ခန်း ပြန်လုပ်လိုက်ပါဦးမယ်။ မိတ်ဆွေများကလဲ ယိုးဒယားက ပြန်မရောက်သေးဘူးလားနဲ့ ပြောနေကြပေမယ့်လဲ ကိုယ့်ဘလော့တောင် ကိုယ်သွားမလည်ဖြစ်တဲ့ ရက်တွေတောင်ရှိပါတယ်။ တကယ်တော့ ဘလော့လောကဆိုတာ သိုင်းလောကထက် ရက်စက်ပါတယ်။ စာမရေးဘူးလား ဟင့်အင်း လာမလည်ဘူးဆိုတဲ့ အမျိုးပါ။ တချို့များဆို Follow လုပ်ထားတာပါ ဖျက်ပြစ်ပါတယ်။ အနားယူတာလဲ ရက်ကြာသွားပြီဆိုတော့ ပြန်စဦးမှပါဆိုပြီး စိတ်ကူးနေတာ ကြာနေပါပြီ။ အနဲဆုံးတော့ ရေခဲတုံးချည်းမြင်နေရတဲ့ အဖြစ်ကနေ ပြောင်းလဲသွားနိုင်အောင်ပေါ့။
စစခြင်း ပေါ့ပေါ့ပါးပါး ကြော်ငြာပို့စ်ကလေးနဲ့ စလိုက်ပါ့မယ်။ ရုံးမှာလုပ်နေတဲ့ စနစ်တွေကို iPhone App အဖြစ် ထပ်ဆောင်းလုပ်ကြမယ်လို့ စကားဦးသမ်းလာတဲ့နေ့ကပေါ့၊ လိုလိုမယ်မယ်ဆိုပြီး အင်တာနက်မှာ လျှောက်ရှာရာကနေ wordpress မှာ mobile edition ရတယ်ဆိုတာနဲ့ ပြစ်ထားတာ ကြာပြီဖြစ်တဲ့ ကိုယ့်ဘလော့မှာ စမ်းကြည့်ဦးမှပါဆိုပြီး စမ်းသပ်ဖြစ်ပါတယ်။
တကယ်တော့ plugin လေးတစ်ခုပါဘဲ။ WordPress Mobile Edition ဆိုတာလေးကို သွင်းထားလိုက်ရုံပါဘဲ။ ကိုယ့်ဘလော့ကို Internet Browser ကနေ ရောက်လာရင် ပုံမှန်မြင်နေကြ ပုံစံအတိုင်းမြင်ရပြီးတော့ Mobile devices တစ်ခုခု (ဥပမာ၊ ၊ iPhone, iPodTouch) ကနေ အလည်ရောက်လာမယ်ဆိုရင်တော့ အခုလိုမြင်ရတဲ့ အတိုင်း Mobile Edition ကို မြင်ရမှာပါ။ အဲဒီ Plugin ထဲမှာလဲ ကိုယ့်ဘာသာ Configuration ထပ်လုပ်လို့ ရပါသေးတယ်။ ဥပမာ အသုံးပြုလာမယ့် Mobile Device Model များ၊ Mobile Browser Versions များကို ထပ်မံဖြည့်စွက်ပေးလို့ ရပါသေးတယ်။
ဗမာလိုမြင်ရဖို့ကတော့ ထုံးစံအတိုင်း iPhone ဆိုရင်လဲ မြန်မာစာ သုံးလို့ရမှ (JailBreak လုပ်ထားပြီး ဗမာစာလုံးသွင်းထားမှ) စာလုံးတွေ မြင်ရမှာပါ။ ကိုယ့်ဘာသာ စမ်းသပ်ပြီးတော့ မိုဘိုင်းပေါ်တော့ရပြီ မင်းက စာရောဆက်ရေးဦးမှာမို့လားလို့တောင် မေးဖြစ်ပါသေးတယ်။ သို့သော်လည်းတဲ့ပေါ့လေ အမာခံ ပရိတ်သိတ်ကြီးကတော့ ဆက်လက်အားပေးနေဦးမှာပါဘဲလို့ အားတင်းရင်း အရာရာ မိုဘိုင်းလ်နေတဲ့ ခေတ်ကြီးမှာ ကျွန်တော်ဒီဘီလဲ မိုဘိုင်းလ်ပေါ် ရောက်သွားပါပြီ။
မိုဘိုင်းလ် ဗားရှင်းဆိုပေမယ့်လဲ လိပ်စာကို မပြောင်းထားပါဘူး။ ပုံမှန်လိပ်စာ mrdba.info ဆိုတာနဲ့ ဘယ်မိုဘိုင်းလ်နဲ့သုံးသလဲ ဆိုတဲ့အပေါ်မူတည်ပြီး ပြတဲ့ပုံစံပြောင်းသွားမှာ ဖြစ်ပါတယ်။ အခုနမူနာပြထားတဲ့ ပုံတွေကတော့ iPod Touch နဲ့ စမ်းသပ်ထားတဲ့ ပုံတွေဖြစ်ပါတယ်။
ဒါနဲ့ ဆက်စဉ်းစားဖြစ်တာက အခုပို့စ်ကိုရေးတော့မယ်ဆိုတော့ တချို့တွေက Blogger (blogspot) ပေါ်မှာ ဘလော့ရေးကြတာဆိုတော့ သူတို့အတွက်များ ရှိနိုင်မလားဆိုပြီး ရှာကြည့်ပါတယ်။ ရှာဖွေတွေ့သလောက်တော့ Template ပြောင်းလိုက်ရင်တော့ မိုဘိုင်းလ် ပေါ်မှာ ကြည့်လို့ရမယ့် ဒီဇိုင်းတွေ ရှိပေမယ့် WordPress လိုတော့ နှစ်မျိုးတွဲကြည့်လို့ရတာ မတွေ့ပါဘူး။ (နှစ်မျိုးဆိုတာ ပုံမှန် Browser ပေါ်မှာပေါ်တဲ့ ဒီဇိုင်းနဲ့ Mobile Browser မှာပေါ်တဲ့ ဒီဇိုင်းကို ဆိုလိုတာပါ။) iBlock Template ဆိုတာလေးတစ်ခုတော့ ရှာတွေ့လို့ စမ်းသပ်ကြည့်ဖြစ်ပါသေးတယ်။
စာမရေးတာ ကြာသွားတဲ့မိတ်ဆွေများ အပျင်းလဲပြေ ခေတ်လဲမှီ ဖြစ်ချင်ရင်တော့ ကျွန်တော့်လိုဘဲ လျောက်စမ်းသပ်ကြပါဦီးလို့ အတင်းတိုက်တွန်းလိုပါတယ်။
ခုရက်ပိုင်းမှာ ရုံးကမန်နေဂျာ အဒေါ်ကြီး ကလေးတွေကျောင်းပိတ်ရက်မှာ သူ့ကလေးတွေနဲ့ မလေးရှား ခရီးသွားပြီမို့လို့ အခွင့်သာရင်တော့ ရုံးကနေ ဘလော့ပါဦးမယ်။ သြော်ဒါနဲ့ ဒီမိုဘိုင်းလ် ဗားရှင်းလေးကို စမ်းသပ်ဖြစ်တော့ ရုံးမှာလဲ ဖြစ်ပြန်၊ iPod ကလဲပါမသွားတော့ မိတ်ဆွေတွေကိုလှမ်းပြီး သုံးခိုင်းရပါသေးတယ်။ ကူညီပြီး စမ်းသပ်ပေးတဲ့ မိတ်ဆွေများကို ကျေးဇူးတင်ရပါကြောင်း ပြောလိုပါတယ်။ iPod မဟုတ်တဲ့ ဗားရှင်းလဲ စမ်းချင်သေးတဲ့ အတွက် တလောကမှ ဖုန်းအသစ်လဲထားတဲ့ မိတ်ဆွေကြီး TZA (နာမည်ပါသွားပဟ ခေတ်မနောက်ကျရအောင် ထည့်ရတာ။) ကိုလဲ စမ်းသပ်ခိုင်းရတဲ့အတွက် အဆွေတော်အားလဲ ကျေးဇူးတင်ပါကြောင်း ထပ်လောင်းပြောကြားရင်းနဲ့ ခဏနားပါဦးမယ်။