ထမင်းမစား ဟင်းမစား
မနေ့ညကစောစောအိပ်ဖို့ကြိုးစားသော်လည်း ဒီနေ့လုပ်စရာရှိတဲ့အထဲက မသိတာလေးတစ်ခုကို ကြိုးစားရှာဖွေနေတာရယ် စိတ်လှုပ်ရှားနေတာရယ်နဲ့ လူက ၁၂ နာရီကျော်မှအိပ်ဖြစ်တယ်။ မနက်ကိုစောစောလာဖို့ အဖွဲ့ကိုမှာထားတယ်လေ။ ကျောင်းတွေက ၈ နာရီမှာစပြီး အသက်ဝင်မှာဖြစ်တော့ ကျွန်တော်တို့အဖွဲ့က မနက် ၇နာရီကတည်းက ရုံးမှာပြင်ဆင်ကြဖို့ မနေ့ကပြောလိုက်တယ်။
ဒီလိုနဲ့နာရီကိုမနက် ၅နာရီခွဲမှာချိန်လိုက်တယ်။ ရှေ့ကပို့စ်မှာရေးခဲ့သလိုဘဲ ဘုရားရှိခိုးအမျိုးမျိုးတော့ရွတ်ဖတ်ပြီး အိပ်ပျော်အောင်ကြိုးစားရတာပါဘဲ။ ကျွန်တော့်ရဲ့အားနည်းချက်ကအဲဒါဘဲဗျ။ အမြဲစိုးရိမ်တတ်တယ်။ အဆင်မပြေမှာကိုတွေးတွေးပူတတ်တယ်။ ရုံးမှာလဲဌာနမန်နေဂျာက ကျွန်တော်တို့အဖွဲ့ကို သေသေချာချာမှာကြားထားတယ်။ အားလုံးအဆင်ပြေအောင် လုပ်ကိုင်ကြဖို့။ ငါတို့ရဲ့ Reputation ကိုထိမ်းသိမ်းဖို့လိုကြောင်း ဆိုတာကြီးထည့်ပြောလိုက်တော့၊ စကားလုံးအကြီးကြီးကို ထမ်းထားလိုက်ရသလိုဖြစ်သွားတယ်။ အဲဒီမှာဘဲ တွေးတွေးပြီးစိုးရိမ်လာတာပါဘဲ။
ဒီလိုနဲ့ မျက်စိမှိတ်သွားပြီးခဏအကြာမှာ နာရီကကျယ်လောင်ကျယ်လောင်နဲ့ မြည်လာတယ်။ မကြာလိုက်သလိုဘဲ တကယ်ဆိုအချိန်ဆွဲထားချင်တာ။ ရေချိုးတယ် အိမ်သာတက်တယ်၊ ဘုရားရှိခိုးတယ်၊ ပုတီးစိတ်တယ်၊ မေတ္တာပို့အမျှဝေပြီးတော့ ၆နာရီခွဲသွားပြီ။ ကော်ဖီတစ်ခွက်ကို ငှက်ပျောသီးတစ်လုံးနဲ့ တွဲဖက်စားပြီးတဲ့အခါမယ် အလှည့်ကျတော့ မနွဲ့စတမ်းကွဆိုပြီး အားတင်းကာ ကားဂိတ်ထွက်ခဲ့ပါတော့တယ်။ ကားဂိတ်နားက ကွက်လပ်ကျယ်ကျယ်မှာတော့ အဖိုးကြီးအဖွားကြီးတွေဟာ အီညောင်ညောင်တီးလုံး လေးဖင့်ဖင့်ကြီးတွေဖွင့်ပြီးတော့ ကြည့်နေမိရင် အိပ်ပျော်သွားမယ့် အားကစားတစ်ခုကို ဖြေးဖြေးမှန်မှန်လုပ်နေကြတယ်။ ကျွန်တော်အဲဒီတီးလုံးကို မကြိုက်ဖူး။ စင်ကာပူရောက်စက အလုပ်လာရှာတော့ ငှားနေတဲ့အိမ်ရဲ့အောက်မှာ Community Centre ရှိတယ်။မနက်မနက်ဆိုရင် အဲဒီတီးလုံးသံကြားရပါပြီ။ ကျွန်တော်တို့ အိပ်ကောင်းနေချိန် တီးလုံးသံနဲ့နိုးတယ်၊ နိုးရင်သတိရသွားတာက ငါအလုပ်သွားရတော့မှာပါလားဆိုပြီး ကြောက်နေတယ်။ အလုပ်လုပ်စက တော်တော်ရုန်းကန်နေရတာဆိုတော့ ရုံးသွားရမှာဆို သိပ်ကြောက်တယ်။ (ခုတော့လဲ သုံးနှစ်တောင်ကြာခဲ့ပြီ)
မိုးလင်းအဖွင့်မှာကတည်းက မကြိုက်တဲ့တီးလုံးနဲ့စနေပြီဆိုပြီတော့ အယူတော်မင်္ဂလာကိုယ့်ဘာသာဖွင့်လိုက်တယ်။ ဒီလိုနဲ့ ပတ်ဝန်းကျင်ကို ဆက်ကြည့်တယ်။ ကားဂိတ်နားရောက်တော့ ရထားပေါ်က မိသားစုတစ်စု ကားဂိတ်ကိုပြေးလာကြတယ်၊ သူတို့စီးချင်တဲ့ကားကရောက်နေတယ်။ လူတွေကတက်ပြီးစပြုနေပြီ သူတို့မမှီလိုက်ရင် အနည်းဆုံး ၁၀ မိနစ်ထပ်စောင့်ရမယ်။ ရန်ကုန်ကကားသမားတွေလိုမဟုတ်ပါဘူး လူတက်လို့ပြီးပြီဆိုတာနဲ့ ကားကဘီးစလှိမ့်ပါတယ်။ မှတ်တိုင်ဧရိယာကျော်သွားပြီဆိုတာနဲ့ လူဘယ်နှစ်ယောက်ပြေးလာနေနေ မရပ်တော့ပါဘူး။ တစ်ခါတလေတစ်ချို့များ ကားကမှတ်တိုင်ကခွာနေပေမယ့် လမ်းမပေါ်တက်လို့မရသေးတော့ ကားတံခါးကိုသွားပုတ်ပြီး တက်လိုကြောင်းအရိပ်အယောင်ပြသော်လည်း ကားသမားက တံခါးဖွင့်ပေးမည်မဟုတ်ပါ။ ဒီလိုနဲ့ အဲဒီမိသားစု ကားမမှီလိုက်ပါဘူး။ အဆင်မပြေပြန်ဘူးပေါ့ တွေးလိုက်မိပြန်ပြီ။ (ရန်ကုန်မှာတုန်းက နက္ခတ္တဖတ်တဲ့ အကျိုးတွေပေါ့)
ကိုယ့်ကားရောက်လာတော့ လိုက်စီးသွားလိုက်တယ် ၇ နာရီစွန်းစွန်းမှာရုံးရောက်သွားတယ်။ စိတ်ထဲသတိရလိုက်တာက ကိုယ့်ကဒ်ကတံခါးဖွင့်လို့ရပါ့မလားလို့။ တစ်ခါသား ည ၈နာရီလောက် ရေသောက်စရာကုန်သွားလို့ ရေဗူးရေသွားဖြည့်တာ ပြန်ဝင်တော့ Invalid Time Zone ဆိုပြီး ကိုယ့်ဝန်ထမ်းကဒ်ကို အဖြတ်မခံတော့လို့ အကုန်ထားခဲ့ပြီး အိမ်ပြန်လာခဲ့ရပါရောလား။ ကိုယ်တစ်ယောက်ထဲကျန်တော့တာလေ။ ရုံးအဝင်မှာ ရှေ့ကလူတစ်ယောက်ဖွင့်သွားလို့ ပြန်ပိတ်လုဆဲဆဲတခါးကို အသာဆက်တွန်းဖွင့်ပြီးဝင်လာခဲ့တယ်။ အဖွဲ့ထဲကတစ်ယောက်လဲရောက်နေပြီ။ ဘယ်လိုဖွင့်ဝင်လဲမမေးလိုက်ရဘူး။ စက်တွေဖွင့် ခဏထိုင်ပြီး ရေဗူးရေသွားထည့်မလို့လုပ်ရင်းစဉ်းစားလိုက်သေးတယ်။ ထွက်ပြီးရင် ပြန်ဝင်လို့ရပါ့မလားလို့။ ဒါနဲ့စမ်းကြည့်မယ်ကွာဆိုပြီး ရေဗူးလေးကိုင်ထွက်လိုက်တယ်။ ပြီးကဒ်နဲ့ဖွင့်ကြည့်တယ်မရဘူး။ ဟိုက်နာပြီ ဘယ်တော့မှရမှာလဲ တွေးပူသွားတယ်။ ၈နာရီတော့ထန်ကုန်ပါပဲလေဆိုပြီး ရေသွားထည့်လိုက်တယ်။ ပြန်လာတယ် ၇နာရီခွဲမှ တခါးဖွင့်လို့ရသွားတယ်။ ငါ့ကိုတော့ နှောက်နေပြီဆိုပြီး တွေးမိတယ်။
ဒီလိုနဲ့ ၈နာရီနားနီးလာတော့ လူတွေစုံလာပြီ။ ကုပ္မဏီနက်ဝပ်က အပြင်ကိုတိုက်ရိုက်ချိတ်လို့မရတာကြောင့် ကျောင်းတွေရဲ့Database Server တွေကိုချိတ်ဖို့ ဝါယာလက်ကွန်နက်ရှင်းတွေတတ်ကြတယ်။ နောက်ပြီးတော့ Hot Line ခေါ်လို့ရအောင်ဆိုပြီ SingTel Hi Card လေးတွေပေးထားတာရှိတာနဲ့ အဲဒီ SIM Card ကိုကိုယ့်ဖုန်းမှာလဲတပ်ရတယ်။ ၈နာရီမှာစပြီးခေါ်ပြီ ကျောင်းတစ်ခုက။ ကျွန်တော်ကိုင်ထားတဲ့ကျောင်းမဟုတ်ဘူး။ ဒီနေရာမှာဒိတ်အောက်နေတဲ့ အဖြစ်ကလေးတစ်ခုပြောရဦးမယ်။ ဒီလောက်နည်းပညာထွန်းကားနေတဲ့ခေတ်ကြီးမှာ အရာရာသုံးနိုင်တယ်လို့ကြွေးကြော်နေတဲ့ ဒီနိုင်ငံမှာ MOE ကအောင်စာရင်းအကြမ်းထုပ်ပေးတဲ့နေရာမယ် Text File ကို Diskette နဲ့ကျောင်းတွေကို ပို့ပါသတဲ့လေ။ ကျောင်းတွေကမှာ အဲဒီ Diskette မှာပါတဲ့ဖိုင်ကို ကွန်ပျုတာစနစ်ထဲကို ထည့်ရမှာပေါ့။ အတွေ့အကြုံအရ အဲဒီဖိုင်မှာ နှစ်စဉ်အခက်အခဲရှိတယ်ဆိုဘဲ။ Special Character တစ်ခုခုပါလာလို့ စနစ်ကဖတ်လို့မရလိုက်တာတို့ စနစ်ထဲမဝင်သွားတာတို့ဖြစ်နေကြဆိုဘဲဗျ။ ခုတော့အဲဒီလိုဟာမဖြစ်ပါဘူး။ တစ်ခုခုတော့ဖြစ်နေတယ်ဗျ။ ကျွန်တော်လဲ အတွေ့အကြုံရအောင် ဘာတွေလုပ်နေလဲ အနားသွားလေ့လာတာပေါ့။
ခဏနေတော့ နောက်ကျောင်းတစ်ကျောင်းကဖုန်းဝင်လာတယ်။ နောက်တစ်ယောက် စပြီးလှုပ်ရှားနေပြီ။ အဖွဲ့ထဲကစီနီယာနှစ်ယောက် အော်ဟစ်မေးမြန်းကုန်ကြပြီ။ ဟိုဒေတာစစ်ပြီးပြီလား ဒီဟာတွေဖျက်ပြီးပြီလား သတိတွေပေးကုန်ကြပြီ။ ကျွန်တော်လား ခုထိငေါင်ငေါင်လေးထိုင်နေရတုန်းဘဲ။ ညကအပြီးမသတ်ခဲ့ရတဲ့ ရီပို့တစ်ခုကို ဆက်ရေးနေတယ်။ တစ်ခါတစ်လေလက်မအားလို့ တခြားဝက်ဘ်ဆိုက်က တိုက်ဆိုင်စစ်ဆေးကြည့်စရာလိုလာရင် ကျွန်တော့်ကိုလှမ်းလှမ်းခေါ်ပြီး ဘယ်ဆိုဒ်က ဘာဒေတာကြည့်ပေးစမ်းပါနဲ့ နဲနဲကူပေးရတယ်။ ရန်ကုန်မှာတုန်းကလဲ ဒေတာတွေတစ်ပြုံကြီးကိုင်ဘူးပါတယ်။ မကြောက်ခဲ့ပါဘူး။ ကိုယ်ကစနစ်ကို ကျွမ်းနေတာကိုး။ ခုကတော့ ကိုယ်ကဝင်တာလပိုင်းဘဲရှိသေးတော့ သူတို့လိုတော့ ဘယ်နေရာဘာရှိတယ် အကုန်မသိသေးတော့ နှေးဖင့်မှာကြောက်တာပါ။ ၉ နာရီမှာနဲနဲတည်ငြိမ်လာပြီ။ GCE A-Level Result ကိုကျွန်တော်တို့ အရင်ကြည့်လို့ရနေပြီ။ ၁၀ တန်းအောင်စာရင်းကို သူများထက်အရင်ကြည့်ရသလိုနေမှာပေါ့နော်။ အဲဒီလိုဘဲခံစားမိပါတယ်။ သူတို့လဲကျွန်တော်တို့လိုဘဲဗျ။ အောင်စာရင်းကြည့်ပြီး ဘယ်ကျောင်းကတော့ ဂရိတ်အေ ဘယ်နှစ်ယောက် ဘီဘယ်နှစ်ယောက်၊ ဒီကျောင်းကတော့ အေတောင်မပါဘူးဘာညာနဲ့ကြည့်နေကြတယ်။
ကျွန်တော်ကတော့ ၁၀နာရီမြန်မြန်ထိုးပါစေဘဲဆုတောင်းနေပါတယ်။ ၁၀နာရီကျော်ရင် အကုန်ပြင်ဆင်ပြီးပြီဆိုတော့ ဘာမှလုပ်စရာမလိုတော့ဘူးလေ။ စိုးရိမ်နေစရာမလိုတော့ဘူးပေါ့။ စိတ်ထဲမှာတော့နဲနဲသံသယဖြစ်နေပြီ။ တစ်ခုခုတော့ တစ်ခုခုဘဲပေါ့။ ဒီလောက်တော့ ကံကောင်းပါ့မလားပေါ့လေ။ ဟိုနှစ်ယောက်လဲတော်တော်အလုပ်ရှုတ်နေကြပြီ။ ကိုယ်လဲသူတို့လက်မအားလို့ မလုပ်နိုင်တာလေးတွေ လိုက်ကူပေးနေတယ်။ လေ့လာရင်းပေါ့။ ကိုယ့်ကျောင်းကတော့ဘာမှအသံမထွက်။ ဒီလိုနေတုန်းတစ်ယောက်ကလာမေးတယ်။ မင်းဆီကို တယ်လီဖုန်းခေါ်သေးလားပေါ့။ ဟင့်အင့်လို့ပြောတော့ စီနီယာကပြောတယ်။ သူ့ဖုန်းနံပါတ်ကိုတဲ့ကျောင်းကို ပေးမထားဘူးတဲ့။ (ဟမ်) ခေါ်မှာမဟုတ်ဘူးတဲ့ စိတ်မပူနဲ့တဲ့။ ဘာကြီးတုန်း။ သုံးရက်လောက်ရှိပြီ ဒီ user support အတွက်အိပ်မပျော်တာ။ အားတွေတင်းထားလိုက်ရတာ လက်တွေခြေတွေတုန်ခဲ့ရတာ။ ၁၀နာရီနားနီးတော့ မပူပါနဲ့တဲ့ မင်းကိုမျက်မြင်ကိုယ်တွေ့ခံစားသိစေခြင်လို့ ဘာမှမပြောဘဲထားတာတဲ့။ နောင်နှစ်တွေကြရင်လဲ ကြုံဦးမှာဘဲပေါ့လေ။ အနီးဆုံးတော့ ဇွန်လမှာတစ်ခုရှိသေးတော့ အဲဒီအခါကျရင်တော့ ကိုယ်တိုင်ကျဲရမယ်ပေါ့။ ဟား … လူဟာပျော့ခွေကျသွားချင်သလိုလိုဖြစ်သွားတယ်။
ကျွန်တော်ပြင်ဆင်ထားခဲ့တယ်။ ကျွန်တော်စိတ်ပူထားခဲ့တယ်။ ငယ်ငယ်တုန်းကကျွန်တော်တို့ကစားကြရင် ကလေးတွေလဲဝင်ကစားခြင်ကြတဲ့အခါ သူတို့လဲပါစေ ငါတို့လဲကစားမပျက်စေတဲ့နည်းနဲ့ ထမင်းမစား ဟင်မစားလို့ခေါ်ပြီး ဝင်ကစားခိုင်းခဲ့တာကိုပြန်သတိရသွားတယ်။ ကလေးတွေမှာကစားနေရရင်ပြီးရောနားမလည်ဘူး။ စိမ်ပြေးတမ်းကစားလို့ဖမ်းတဲ့လူက သူတို့အနားရောက်သွားလဲ အမိမခံရဘူး။ ထုတ်ဆီးတိုးတမ်းကစားလို့ ထမင်းရေပူစည်းနင်းမိလဲ ဘာမှမဖြစ်ဘူး။ ကျွန်တော်လဲဒီနေ့ အဲဒီလိုကစားခဲ့ရတယ်ဗျာ။ ဝိုင်းအားပေးခဲ့ကြတဲ့ သူငယ်ချင်းတွေကိုတောင်အားနာသွားတယ်။ တချို့များဘလော့ဖတ်ပြီး SMS ပို့ပြီးအားပေးကြတယ် အဟုတ်။ ဘာဘဲဖြစ်ဖြစ် သူငယ်ချင်းတွေကိုလဲကျေးဇူးတင်ပါတယ် လာလာဖတ်ပြီးစိတ်ဝင်ပူပေးကြတဲ့စာဖတ်သူများကိုလဲ ကျေးဇူးတင်ပါတယ်။ ကျွန်တော်လဲ အတွေ့အကြုံတစ်ခုရသွားပါတယ်။ ကောင်းကြသေးရဲ့လားကွယ်ရို့။